BMW X5 M50d
BMW X5 sırasına ən güclü dizel modifikasiyası “M50d” əlavə olundu. O 2013-cü ilin noyabr ayında satışa çıxarılacaq.
“M Performance” tərəfindən tamamlanmış avtomobil idman asması, güclü və qənaətcil 3.0-litrlik dizel mühərrik və idman üslubunda hazırlanmış eksteryer və interyer alıb. “BMW X5 M50d” 381 a.g. və 740 Nm fırlanma anı olan 6-silindirli tri-turbo dizel mühərriki ilə təchiz edilib. Tam ötürücü sistem və avtomatik 8-pilləli sürət qutusu vasitəsilə dartma qüvvəsi hər iki oxun təkərlərinə ötürülür. Avtomobil yerindən 100km/saata 5.3 saniyəyə sürətlənir və maksimal sürəti 250 km/saatdır. O 100 km məsafəyə 6.7 litr yanacaq sərf edir, СО2 tullantısı isə Avro-6 ekoloji standartlarına uyğun olaraq 177q/km-dir. Dizel ilə işləyən avtomobilini idman üslubuna uyğun asma, 19-düymlük yüngül lehimli disklər və yeni interyer detalları ilə təchiz ediblər.
